વડાપ્રધાન નરેન્દ્ર મોદી તેમના ગૃહ રાજ્ય ગુજરાતની બે દિવસની મુલાકાતે જવાના છે. ગુજરાતમાં આ વર્ષના અંતમાં વિધાનસભાની ચૂંટણી યોજાવાની છે, તેથી તેમની આ મુલાકાતને ખૂબ મહત્વની માનવામાં આવી રહી છે.
આ દરમિયાન પીએમ મોદી રાજ્યને 29 હજાર કરોડ રૂપિયાના પ્રોજેક્ટ્સ ગિફ્ટ કરશે. જેમાં દેશની ત્રીજી વંદે ભારત ટ્રેન તેમજ અમદાવાદ મેટ્રો રેલ પ્રોજેક્ટનો સમાવેશ થાય છે. આ ઉપરાંત સુરત, ભાવનગર જેવા શહેરોમાં પણ અંદાજે 10 હજાર કરોડ રૂપિયાના વિકાસના પ્રોજેક્ટ શરૂ કરવામાં આવશે. આ સાથે પીએમ મોદી બ્રોડગેજ રેલ્વે લાઇનનો પણ શિલાન્યાસ કરશે, જે પૂર્ણ થવાથી અંબાજીની યાત્રા સરળ બનશે. વડાપ્રધાન નવરાત્રી ઉત્સવમાં પણ ભાગ લેશે. PM મોદી ભાવનગરમાં વિશ્વના પ્રથમ CNG ટર્મિનલનો શિલાન્યાસ પણ કરશે.
વડાપ્રધાન કાર્યાલય (PMO) દ્વારા આપવામાં આવેલી માહિતી અનુસાર, વડાપ્રધાન નરેન્દ્ર મોદી તેમની ગુજરાત મુલાકાત દરમિયાન ગાંધીનગર-મુંબઈ વંદે ભારત ટ્રેનને લીલી ઝંડી બતાવશે. તેઓ પોતે આ ટ્રેનમાં કાલુપુર સુધી મુસાફરી કરશે. જણાવી દઈએ કે હાલમાં ભારતમાં 2 વંદે ભારત ટ્રેનો ચાલી રહી છે. ત્રીજી વંદે ભારત ટ્રેનનું સંચાલન ગાંધીનગર-મુંબઈ રૂટ પર શરૂ થશે. PM મોદી શુક્રવારે તેનું ફ્લેગ ઓફ કરશે. પીએમ મોદી અમદાવાદ મેટ્રો રેલ પ્રોજેક્ટના ફેઝ-1નું ઉદ્ઘાટન પણ કરશે. આ દરમિયાન તેઓ દૂરદર્શન કેન્દ્ર સ્ટેશન સુધી મેટ્રો ટ્રેનમાં મુસાફરી કરશે.
પીએમ મોદી ગુજરાતને ઘણી ભેટ આપવાના છે.
સુરત-ભાવનગરમાં પ્રોજેક્ટની શરૂઆત
વડાપ્રધાન નરેન્દ્ર મોદી તેમની ગુજરાત મુલાકાત દરમિયાન સુરત અને ભાવનગરને હજારો કરોડના વિકાસ પ્રોજેક્ટની ભેટ પણ આપશે. મળતી માહિતી મુજબ પીએમ મોદી સુરતમાં 3400 કરોડથી વધુના પ્રોજેક્ટનું ઉદ્ઘાટન કરશે. તેઓ સુરતમાં ડ્રીમ સિટીના ફેઝ-1નું ઉદ્ઘાટન કરશે. તેનો હેતુ હીરાના વ્યવસાયને પ્રોત્સાહન આપવાનો છે. આ સાથે જ પીએમ મોદી ભાવનગરને રૂ. 5200 કરોડના વિકાસ પ્રોજેક્ટ્સ પણ આપશે. PM ભાવનગરમાં વિશ્વના પ્રથમ CNG ટર્મિનલનો શિલાન્યાસ કરશે.
36મી નેશનલ ગેમ્સનું ઉદ્ઘાટન
પીએમ મોદી તેમની ગુજરાત મુલાકાત દરમિયાન રમતગમત અને સાંસ્કૃતિક કાર્યક્રમોમાં પણ ભાગ લેશે. વડાપ્રધાન ગુજરાતમાં પ્રથમવાર યોજાઈ રહેલી 36મી નેશનલ ગેમ્સનું પણ ઉદ્ઘાટન કરશે. આ ઉપરાંત તેઓ નવરાત્રીના તહેવારમાં પણ ભાગ લેશે. અંબાજી જતા યાત્રિકો માટે પણ મોટા સમાચાર છે. પીએમ મોદી આ રૂટ પર બ્રોડગેજ રેલ્વે ટ્રેકના નિર્માણની શરૂઆત કરશે.
