આધાર અપડેટઃ જો તમે આધાર દ્વારા ફિંગર પ્રિન્ટથી પૈસા ઉપાડો છો તો તમારી સાથે છેતરપિંડી થશે નહીં. આ માટે UDAIએ એક નવું ફીચર ઉમેર્યું છે. આ નવી સુવિધા ઉમેર્યા પછી, પોઈન્ટ ઓફ સેલ (PoS) જાણી શકશે કે જેની ફિંગરપ્રિન્ટ લેવામાં આવી રહી છે તે જીવિત છે કે મૃત્યુ પામી છે.
આધાર વગર આ લોકો 31 ઓક્ટોબર સુધી ITR ભરી શકશે
આધાર સક્ષમ પેમેન્ટ સિસ્ટમ (AEPS) દ્વારા અત્યાર સુધીમાં 1507 કરોડથી વધુ બેંકિંગ વ્યવહારો કરવામાં આવ્યા છે. જેમાંથી 7.54 લાખ ટ્રાન્ઝેક્શનમાં છેતરપિંડી થઈ હતી. આ નવું સિક્યોરિટી ફીચર આધારના મિસ યુઝને ખૂબ જ ઝડપથી ટ્રેક કરશે.
આ રીતે છેતરપિંડી
અહેવાલો અનુસાર, છેતરપિંડીભર્યા વ્યવહારમાં, સિલિકોન પેડ પર વાસ્તવિક વ્યક્તિની ફિંગરપ્રિન્ટ ક્લોન કરવામાં આવે છે. આ ફિંગરપ્રિન્ટ જમીનના ખરીદ-વેચાણના દસ્તાવેજો પર લીધેલા અસલ ફિંગરપ્રિન્ટમાંથી બનાવવામાં આવે છે, જે જમીન મહેસૂલ વિભાગની વેબસાઇટ પર અપલોડ કરવામાં આવે છે.
UDAIના આ પગલાંથી છેતરપિંડી પણ અટકશે
હવે UIDAIએ જન્મ-મૃત્યુના ડેટાને આધાર સાથે લિંક કરવાનો નિર્ણય લીધો છે. હવે નવજાત શિશુને કામચલાઉ આધાર નંબર આપવામાં આવશે, બાદમાં તેને બાયોમેટ્રિક ડેટા સાથે અપગ્રેડ કરવામાં આવશે. આટલું જ નહીં, આ નંબરોના દુરુપયોગને રોકવા માટે મૃત્યુની નોંધણીના રેકોર્ડને પણ આધાર સાથે લિંક કરવામાં આવશે.
