એશિયા કપ 2022માં ભારત અને પાકિસ્તાનની ટીમ બે વખત સામસામે આવી ચુકી છે.
ગ્રૂપ સ્ટેજમાં ભારત અને સુપર 4માં પાકિસ્તાનનો વિજય થયો હતો. હવે બંને ટીમના ચાહકો ટી20 વર્લ્ડ કપની રાહ જોઈ રહ્યા છે, જ્યાં 23 ઓક્ટોબરે ભારત અને પાકિસ્તાન આમને-સામને થશે. હાઈ વોલ્ટેજ સ્પર્ધા માટે ચાહકો અધીરા છે. જો કે, વર્લ્ડ કપમાં એકબીજા સામે તેમના અભિયાનની શરૂઆત કરતા પહેલા, બંને ટીમો T20 શ્રેણી રમશે, જે 20 સપ્ટેમ્બરથી શરૂ થશે.
બંને ટીમો પોતપોતાના ઘરે રમશે
રોહિત શર્માના નેતૃત્વમાં ટીમ ઈન્ડિયા ઓસ્ટ્રેલિયા અને દક્ષિણ આફ્રિકા સામે તેના વર્લ્ડ કપની તૈયારી કરશે. ભારત 3 ટી-20 મેચની સીરિઝની પ્રથમ મેચ ઓસ્ટ્રેલિયા સામે મોહાલીમાં તેના ઘરે રમશે. તે જ સમયે, પાકિસ્તાન પણ તે જ દિવસે તેના ઘર કરાચીમાં ઇંગ્લેન્ડ સામે 7 ટી20 મેચની શ્રેણીની પ્રથમ મેચ રમશે. T20 વર્લ્ડ કપ પહેલા ભારતીય ટીમ ઓસ્ટ્રેલિયા અને દક્ષિણ આફ્રિકાના પડકારનો સામનો કરશે. ઓસ્ટ્રેલિયા સામેની T20 શ્રેણી પછી, રોહિત શર્માની આગેવાની હેઠળની ટીમ ઈન્ડિયા દક્ષિણ આફ્રિકા સામે 3 મેચની T20 શ્રેણી અને ત્યારબાદ તેટલી મેચોની ODI શ્રેણી રમશે. તે જ સમયે, પાકિસ્તાનની ટીમ ઇંગ્લેન્ડ સામેની T20 શ્રેણી પૂરી થયા પછી બાંગ્લાદેશ અને ન્યુઝીલેન્ડ સાથે ત્રિકોણીય શ્રેણી રમશે.
હોમ પ્લે બાદ ટીમ ઈન્ડિયા ઉડાન ભરશે
ભારત અને પાકિસ્તાન બંને ટીમો અલગ-અલગ મેદાન પર મેચ રમશે, પરંતુ રસપ્રદ વાત એ છે કે બંને ટીમોની મેચોની તારીખો લગભગ એક જ છે. પોતાના ઘરે રમ્યા બાદ ટીમ ઈન્ડિયા ઓસ્ટ્રેલિયા જશે અને વર્લ્ડ કપ પહેલા ઓસ્ટ્રેલિયા અને ન્યૂઝીલેન્ડ સામે વોર્મ-અપ મેચ રમશે. પોતાના ઘરે રમ્યા બાદ ટીમ ઈન્ડિયા ઓસ્ટ્રેલિયા જશે અને વર્લ્ડ કપ પહેલા ઓસ્ટ્રેલિયા અને ન્યૂઝીલેન્ડ સામે વોર્મ-અપ મેચ રમશે. આ સાથે જ પાકિસ્તાનની ટીમ ઈંગ્લેન્ડ અને અફઘાનિસ્તાન સામે 2 વોર્મ-અપ રમશે.
પાકિસ્તાન ટીમઃ બાબર આઝમ, શાદાબ ખાન, અમીર જમાલ, અબરાર અહેમદ, આસિફ અલી, હૈદર અલી, હેરિસ રઉફ, ઈફ્તિખાર અહેમદ, ખુશદિલ શાહ, મોહમ્મદ હેરિસ, મોહમ્મદ હસનૈન, મોહમ્મદ નવાઝ, મોહમ્મદ રિઝવાન, મોહમ્મદ વસીમ, નસીમ શાહ, શાહનવાઝ દહાની , શાન મસૂદ, ઉસ્માન કાદિર
ભારતની ટીમઃ રોહિત શર્મા, કેએલ રાહુલ, આર અશ્વિન, જસપ્રિત બુમરાહ, યુઝવેન્દ્ર ચહલ, દીપક ચહર, દીપક હુડા, દિનેશ કાર્તિક, વિરાટ કોહલી, ભુવનેશ્વર કુમાર, મોહમ્મદ શમી, હાર્દિક પંડ્યા, ઋષભ પંત, અક્ષર પટેલ, હર્ષલ પટેલ અને સૂર્યકુમાર યાદવ