ભારતીય ટીમના સ્પિનર યુઝવેન્દ્ર ચહલને ભલે ટીમ ઈન્ડિયામાં એટલી તકો ન મળી રહી હોય પરંતુ તેનો ચાર્મ અકબંધ છે.
ઈન્ડિયન પ્રીમિયર લીગની પ્રથમ મેચમાં રમવા આવેલા આ ઝડપી બોલરે વિકેટની ત્રેવડી સદી પૂરી કરી હતી.
ઈન્ડિયન પ્રીમિયર લીગની પ્રથમ મેચમાં રાજસ્થાન રોયલ્સના સ્પિનર યુઝવેન્દ્ર ચહલે પોતાની T20 કારકિર્દીની 300મી વિકેટ લઈને ઈતિહાસ રચ્યો હતો. આ ફોર્મેટમાં આ કારનામું કરનાર ચહલ ભારતનો પ્રથમ બોલર છે. આ પહેલા કોઈ ભારતીયને આ સફળતા મળી નથી.
યુઝવેન્દ્ર ચહલે સનરાઈઝર્સ હૈદરાબાદના સૌથી મોંઘા ખેલાડી હેરી બ્રુકને ક્લીન બોલિંગ કરીને ટી-20માં 300 વિકેટ પૂરી કરી હતી. આ મેચમાં પ્રવેશતા પહેલા તેની પાસે કુલ 299 T20 વિકેટ હતી અને તેણે આ 1 વિકેટ સાથે ત્રેવડી સદી પૂરી કરી હતી.
યુઝવેન્દ્ર ચહલે 265મી T20 મેચમાં પોતાની 300 વિકેટ પૂરી કરી હતી. ભારત તરફથી રમતા તેણે 75 T20 આંતરરાષ્ટ્રીય મેચોમાં કુલ 91 વિકેટ ઝડપી છે. ભારત તરફથી ચહલ પછી આર અશ્વિન T20માં 287 વિકેટ સાથે બીજા નંબર પર છે. પીયૂષ ચાવલાએ 275 ટી20 વિકેટ લીધી છે અને તે યાદીમાં ત્રીજા સ્થાને છે.
વેસ્ટ ઈન્ડિઝના પૂર્વ બોલર ડ્વેન બ્રાવોનું નામ સૌથી વધુ T20 વિકેટ લેનારા બોલરની યાદીમાં છે. આ ખેલાડીએ 558 T20 મેચ રમીને કુલ 615 વિકેટ લીધી છે. બીજા નંબર પર અફઘાનિસ્તાનના રાશિદ ખાનનું નામ આવે છે. આ સ્પિન બોલરે 392 ટી20 મેચમાં 530 શિકાર કર્યા છે. વેસ્ટ ઈન્ડિઝ તરફથી સુનીલ નારાયણ 479 ટી20 વિકેટ સાથે છે.