ઓસ્ટ્રેલિયાના બેટ્સમેન માર્નસ લાબુશેને ભારત સામેની પાંચ મેચની ટેસ્ટ શ્રેણી પહેલા વિકેટકીપર બેટ્સમેન રિષભ પંતને ભારતીય ટીમનો સૌથી રસપ્રદ ખેલાડી ગણાવ્યો છે.
ત્રીજી વખત ઓસ્ટ્રેલિયાના પ્રવાસે જઈ રહેલો રિષભ પંત 22 નવેમ્બરથી પર્થમાં શરૂ થઈ રહેલી પાંચ ટેસ્ટ મેચની શ્રેણીમાં મહત્વની ભૂમિકા ભજવશે.
લાબુશેને સ્ટાર સ્પોર્ટ્સને કહ્યું, “મને ઋષભ પંત ખૂબ જ રસપ્રદ લાગે છે. તે ખૂબ જ ખુશખુશાલ છે અને યોગ્ય ભાવનાથી રમે છે.” જ્યારે સ્મિથ અને જોશ હેઝલવુડને પૂછવામાં આવ્યું કે ભારતીય ટીમનો કયો ખેલાડી તેમને સૌથી વધુ ચીડવે છે તો તેમણે રવિન્દ્ર જાડેજાનું નામ લીધું. તેણે કહ્યું, “હું મેદાન પર જાડેજાથી ખૂબ જ ચિડાઈ જાઉં છું કારણ કે તે ખૂબ જ સારો ખેલાડી છે. તે રન બનાવશે અથવા વિકેટ લેશે અથવા શાનદાર કેચ લેશે. ક્યારેક હું ચિડાઈ જઉં છું.”
ઓસ્ટ્રેલિયાના વિકેટકીપર બેટ્સમેન ટ્રેવિસ હેડને વિરાટ કોહલી સૌથી રસપ્રદ લાગે છે. તેણે કહ્યું, “ઘણા લોકો વિરાટના નામનો ઉલ્લેખ કરશે કારણ કે તે ખૂબ જ રસપ્રદ ખેલાડી છે. તે હંમેશા રન બનાવે છે અને તેની પાસે ખૂબ જ ઉર્જા છે.”
ઋષભ પંતે બાંગ્લાદેશ સામેની ટેસ્ટ શ્રેણીમાં સદી ફટકારીને ક્રિકેટના સૌથી લાંબા ફોર્મેટમાં જોરદાર વાપસી કરી છે. રિષભ પંતે ચેન્નાઈ ટેસ્ટની બીજી ઈનિંગમાં સદી ફટકારી હતી. જ્યારે કાનપુરમાં તેણે વિજયી રન બનાવ્યા હતા.
જો ઓસ્ટ્રેલિયા વિરૂદ્ધ પંતના આંકડાની વાત કરીએ તો તેણે 7 મેચની 12 ઇનિંગ્સમાં 62.40ની એવરેજ અને 72.13ની સ્ટ્રાઇક રેટથી 624 રન બનાવ્યા છે. આ દરમિયાન તેણે એક સદી અને બે અડધી સદી ફટકારી છે. ભારતે ગાબા ટેસ્ટમાં ઓસ્ટ્રેલિયાને હરાવીને જે ઐતિહાસિક જીત નોંધાવી હતી તેમાં રિષભ પંતે મહત્વની ભૂમિકા ભજવી હતી.
