શિવાન દુબેએ અફઘાનિસ્તાન સામેની ટી-20 શ્રેણીમાં જે રીતે પ્રદર્શન કર્યું છે તે પ્રશંસનીય છે. તેણે અત્યાર સુધી રમાયેલી બંને મેચમાં અણનમ અડધી સદી ફટકારી છે અને મેચ પૂરી કરી છે.
આવી સ્થિતિમાં ટી20 વર્લ્ડ કપમાં પણ તેની દાવેદારી અંગે ચર્ચાઓ શરૂ થઈ ગઈ છે. આ બધું ત્યારે થઈ રહ્યું છે જ્યારે હાર્દિક પંડ્યા ઈજાના કારણે ટીમની બહાર છે અને ટી-20 વર્લ્ડ કપમાં ટીમની પહેલી પસંદ છે.
શિવમ દુબેનું શાનદાર પુનરાગમન
હાર્દિકની ઈજાને કારણે શિવમ દુબેને લાંબા સમય બાદ ટી-20 ક્રિકેટમાં તક મળી અને તેણે તેનો બંને હાથે ફાયદો ઉઠાવ્યો. ઈન્દોરમાં રમાયેલી બીજી મેચમાં તેણે 32 બોલમાં 63 રનની અણનમ ઈનિંગ રમી અને ટીમ ઈન્ડિયાને 6 વિકેટે જીત અપાવી. આ પહેલા મોહાલીમાં પણ તેણે 40 બોલમાં 60 રનની અણનમ ઇનિંગ રમી હતી. તેણે બંને મેચમાં 1-1 વિકેટ લીધી હતી. તેણે ઈન્દોરમાં અફઘાનિસ્તાન સામે સૌથી ઝડપી અડધી સદી ફટકારવાનો રેકોર્ડ પણ બનાવ્યો હતો. તેણે આ મેચમાં માત્ર 22 બોલમાં ફિફ્ટી પૂરી કરી હતી.
સુનિલ ગાવસ્કરે શું કહ્યું?
દુબેના તાજેતરના પ્રદર્શન પર ક્રિકબઝ સાથે વાત કરતા, ભૂતપૂર્વ ભારતીય ક્રિકેટ લિજેન્ડ ગાવસ્કરે કહ્યું કે ચેન્નાઈ સુપર કિંગ્સ (CSK) સ્ટારે વર્લ્ડ કપ પહેલા ભારતીય થિંક ટેન્કને માથાનો દુખાવો બનાવી દીધો છે. જો હાર્દિક અનફિટ હોય તો શું?’, મને લાગે છે કે તે જે કરી રહ્યો છે તેનાથી એ સુનિશ્ચિત થઈ રહ્યું છે કે હાર્દિક ફિટ હોવા છતાં પણ તે વર્લ્ડ કપની ટીમ માટે પોતાનો દાવો દાખવી શકે છે. જો તમે આ રીતે પ્રદર્શન કરો છો, તો કોઈપણ માટે તમને પછાડવું ખૂબ મુશ્કેલ છે. જો પસંદગીકારો તેને પડતો મૂકવાનો નિર્ણય કરે તો તે ખરેખર મુશ્કેલ નિર્ણય હશે.