ભારતીય ક્રિકેટ ટીમ આજે એટલે કે ગુરુવારે (14 ડિસેમ્બર) 3 મેચની શ્રેણીની ત્રીજી અને છેલ્લી T20 મેચમાં યજમાન દક્ષિણ આફ્રિકાનો સામનો કરશે. જોહાનિસબર્ગની પીચ કેવું વર્તન કરશે તે જાણવા ક્રિકેટ ચાહકો ઉત્સુક છે.
સૂર્યકુમાર યાદવની કપ્તાનીવાળી ભારતીય ટીમ શ્રેણીમાં 0-1થી પાછળ છે. તેનો પ્રયાસ ત્રીજી ટી-20 જીતીને સિરીઝ બરાબરી કરવાનો રહેશે. આવો અમે તમને આ પીચ વિશે જણાવીએ કે, ટોસ જીત્યા પછી પહેલા શું કરવું જોઈએ અને આ પિચ પર સરેરાશ સ્કોર શું છે.
જોહાનિસબર્ગના ન્યૂ વોન્ડરર્સ સ્ટેડિયમની વિકેટ બેટ્સમેન માટે સ્વર્ગ સમાન છે. અહીં ચોગ્ગા અને છગ્ગાનો વરસાદ જોવા મળે છે. ભારત vs દક્ષિણ આફ્રિકા (IND vs SA) વચ્ચેની આ પીચ પર હાઈ સ્કોરિંગ મેચ જોઈ શકાય છે. જોકે ફાસ્ટ બોલરોને શરૂઆતમાં મદદ મળી શકે છે. આ વિકેટ પર, પીછો કરતી ટીમને પ્રથમ બેટિંગ કરનારી ટીમ પર ફાયદો થયો છે. પ્રથમ બેટિંગ કરનાર ટીમે 15 મેચ જીતી છે, જ્યારે પીછો કરતી ટીમે 17 મેચ જીતી છે. આ વિકેટ પર સર્વોચ્ચ સ્કોર 260 રન છે જે શ્રીલંકાએ 2007માં કેન્યા સામે બનાવ્યો હતો. સૌથી ઓછો સ્કોર 83 રન છે. ભારતે જોહાનિસબર્ગમાં 5 T20 મેચ રમી છે, જેમાંથી 3માં તેણે જીત અને 2માં હારનો સામનો કરવો પડ્યો છે. પ્રથમ બેટિંગ કરનારી ટીમ બે વખત જીતે છે અને પીછો કરતી ટીમ એક વખત જીતે છે.
વાન્ડરર્સે 32 T0 મેચ રમી છે
દક્ષિણ આફ્રિકાએ જોહાનિસબર્ગમાં 24 T20 આંતરરાષ્ટ્રીય મેચ રમી છે, જેમાંથી તેણે 14 જીતી છે અને 10માં હારનો સામનો કરવો પડ્યો છે. ભારત અને દક્ષિણ આફ્રિકાની ટીમો એકંદરે T20માં 25 વખત સામસામે આવી છે, જેમાં ભારતે 13 અને દક્ષિણ આફ્રિકાએ 11 મેચ જીતી છે. એક મેચ અનિર્ણિત રહી હતી. ન્યૂ વોન્ડરર્સ સ્ટેડિયમમાં અત્યાર સુધીમાં 32 મેચ રમાઈ છે, જેમાં યજમાન દક્ષિણ આફ્રિકાએ 14માં અને મુલાકાતી ટીમે 10માં જીત મેળવી છે. 8 મેચમાંથી કોઈ પરિણામ આવી શક્યું નથી. ભારતે જોહાનિસબર્ગમાં દક્ષિણ આફ્રિકા સામે 3 T20 મેચ રમી છે જેમાં તેણે 2માં જીત મેળવી છે.
ભારત વિ દક્ષિણ આફ્રિકા ત્રીજી T20 હવામાન અહેવાલ
હવામાન વેબસાઈટ Accuweather અનુસાર, જોહાનિસબર્ગમાં મેચના દિવસે એટલે કે 14 ડિસેમ્બરે વરસાદની કોઈ આગાહી નથી. મતલબ કે સંપૂર્ણ 20 ઓવરની રમત જોવા મળશે. તાપમાન 26 ડિગ્રીથી 20 ડિગ્રી સેલ્સિયસ વચ્ચે રહેવાની ધારણા છે.
