આયુષ્માન ખુરાના અને અનન્યા પાંડેની ફિલ્મ ‘ડ્રીમ ગર્લ 2’ થિયેટરોમાં સારો બિઝનેસ કરી રહી છે. ફિલ્મે રિલીઝના 8મા દિવસે શાનદાર કમાણી કરી છે. આયુષ્માન ખુરાના પૂજા બનીને લોકોને આકર્ષી રહ્યો છે.
આયુષ્માનની ડ્રીમ ગર્લ 2 માટે સની દેઓલની ગદર 2 જેવી બ્લોકબસ્ટર ફિલ્મ સામે ટકી રહેવું એ એક મોટી સફળતા છે. છેલ્લા 3 વર્ષથી સતત ફ્લોપ ફિલ્મો આપી રહેલા આયુષ્માન ખુરાના માટે ‘ડ્રીમ ગર્લ 2’ તેની કારકિર્દીની શ્રેષ્ઠ ફિલ્મ સાબિત થઈ રહી છે.
ડ્રીમ ગર્લ 2 એ પહેલા દિવસે લગભગ 10 કરોડ રૂપિયાની કમાણી કરી હતી. ફિલ્મે પહેલા વીકએન્ડમાં જ તેની કિંમત વસૂલ કરી લીધી હતી. હવે આયુષ્માન ખુરાનાની ડ્રીમ ગર્લ 2 એ તેની રિલીઝના 8 દિવસમાં કુલ 72 કરોડ રૂપિયાની કુલ કમાણી કરી લીધી છે. માનવામાં આવી રહ્યું છે કે આ વીકેન્ડમાં ફિલ્મ 100 કરોડની આસપાસ પહોંચી શકે છે.
ડ્રીમ ગર્લ 2 આયુષ્માન ખુરાનાની કારકિર્દીની હિટ ફિલ્મ બની હતી
આયુષ્માન ખુરાનાએ પોતાના દમદાર અભિનયથી ફિલ્મ ઈન્ડસ્ટ્રીમાં એક ખાસ ઓળખ બનાવી છે. તેણે એક પછી એક શાનદાર ફિલ્મો કરી છે. પરંતુ ઓછા બજેટમાં હિટ ફિલ્મો આપનાર આયુષ્માન ખુરાના છેલ્લા કેટલાક સમયથી ફ્લોપ સાબિત થઈ રહ્યો છે. વર્ષ 2019માં રિલીઝ થયેલી આયુષ્માનની ફિલ્મ ‘બાલા’ હિટ રહી હતી. આ પછી આયુષ્માન ખુરાનાએ એન એક્શન હીરો, ડોક્ટર જી, આનેક અને ચંદીગઢ કરે આશિકી જેવી ફ્લોપ ફિલ્મો આપી છે.
પૂજા બનીને ચાહકોને પ્રભાવિત કર્યા
હવે લાંબા સમય બાદ ડ્રીમ ગર્લ 2માં આયુષ્માનનો જાદુ બોક્સ ઓફિસ પર કામ કરી ગયો છે. ડ્રીમ ગર્લ 2 માં આયુષ્માન ખુરાના સાથે અન્નાયા પાંડે મુખ્ય અભિનેત્રી છે. જો કે આખી ફિલ્મ આયુષ્માનની આસપાસ ફરે છે. ડ્રીમ ગર્લ બાદ હવે આયુષ્માન ખુરાનાએ ડ્રીમ ગર્લ 2માં પોતાના દમદાર અભિનયથી ચાહકોના દિલ જીતી લીધા છે. વર્ષ 2019માં ‘ડ્રીમ ગર્લ’એ પણ દર્શકોને ખૂબ પ્રભાવિત કર્યા. ડ્રીમ ગર્લ એ 142.26 કરોડ રૂપિયાનું કલેક્શન કર્યું હતું.
