રિષભ પંત ગયા વર્ષે કાર અકસ્માતમાં ઘાયલ થયો હતો. ત્યારથી તે ક્રિકેટના મેદાનથી દૂર છે. હાલમાં તે નેશનલ ક્રિકેટ એકેડમીમાં રિહેબિલિટેશન હેઠળ છે અને ઝડપથી સ્વસ્થ થઈ રહ્યો છે.
તે ટૂંક સમયમાં ટીમ ઈન્ડિયામાં પરત ફરે તેવી શક્યતા છે. હવે તેણે સોશિયલ મીડિયા પર શાનદાર કામ કર્યું છે.
પંતે જન્મતારીખ બદલી રિષભ પંતનો જન્મ 4 ઓક્ટોબર 1997ના રોજ થયો હતો. જન્મતારીખ મુજબ તેની ઉંમર 25 વર્ષ છે, પરંતુ હવે અચાનક તેણે પોતાના સોશિયલ મીડિયા બાયોમાં પોતાની જન્મતારીખ બદલી નાખી છે. હવે પંતે જન્મદિવસની તારીખ બદલીને 5 જાન્યુઆરી 2023 કરી છે. 30 ડિસેમ્બર 2022ના રોજ પંતનો અકસ્માત થયો હતો. મીડિયા રિપોર્ટ્સ અનુસાર, 5 જાન્યુઆરીએ તેને હોશ આવ્યો. આ કારણે હવે પંતે પોતાની જન્મતારીખ બદલી નાખી છે.
ગયા વર્ષે અકસ્માત થયો હતો
ઋષભ પંત ગયા વર્ષે દિલ્હીથી રૂરકી જતી વખતે કાર અકસ્માતમાં ઘાયલ થયો હતો. ત્યારબાદ દેહરાદૂનની હોસ્પિટલમાં તેની સારવાર કરવામાં આવી હતી. આ પછી તેને વધુ સારી સારવાર માટે મુંબઈ ખસેડવામાં આવ્યો હતો. પંતની સર્જરી સફળ રહી છે. સર્જરી બાદ તે બરાબર ચાલી પણ શકતો ન હતો. પરંતુ તેની હિંમત અને જુસ્સાના બળ પર તે ઝડપથી સ્વસ્થ થઈ રહ્યો છે.
ODI વર્લ્ડ કપ સુધી ફિટ રહી શકે છે
ઋષભ પંત ઈજાના કારણે IPL 2023માં રમી શક્યો ન હતો. તેની જગ્યાએ ડેવિડ વોર્નરે દિલ્હી કેપિટલ્સનું સુકાન સંભાળ્યું હતું. તે જ સમયે, વર્લ્ડ ટેસ્ટ ચેમ્પિયનશિપ 2023ની ફાઈનલ મેચમાં તેની જગ્યાએ કેએસ ભરતને તક મળી. પંત હાલમાં NCAમાં છે અને ODI વર્લ્ડ કપ 2023માં રમવાની આશા છે.
રિષભ પંત ભારત માટે ત્રણેય ફોર્મેટમાં ક્રિકેટ રમ્યો છે. 25 વર્ષીય પંતે ભારત માટે 33 ટેસ્ટમાં 2271 રન, 30 વનડેમાં 865 રન અને 66 ટી20 મેચમાં 987 રન બનાવ્યા છે.
