મુકેશ અંબાણી એન્ટિલિયા હાઉસઃ ફોર્બ્સની રિયલ ટાઈમ બિલિયોનેર્સ લિસ્ટ મુજબ, મુકેશ અંબાણી એશિયા અને ભારત બંનેમાં સૌથી ધનિક વ્યક્તિ છે. તેમની કુલ નેટવર્થ $79.5 બિલિયન છે.
મુકેશ અંબાણીનું ઘર એન્ટિલિયા દુનિયાનું બીજું સૌથી મોંઘું ઘર છે.
બ્રિટનના રાજા ચાર્લ્સનું ઘર બકિંગહામ પેલેસ પછી એન્ટિલિયા વિશ્વનું બીજું સૌથી મોંઘું ઘર છે. એન્ટિલિયા મુંબઈના પોશ વિસ્તાર અલ્ટામાઉન્ટ રોડ પર સ્થિત છે.
આ ઘર કુલ 4,532 ચોરસ મીટરમાં આવેલું છે. આ ઘરમાં કુલ 27 માળ છે. આ ઘરનું નામ ફેન્ટમ આઇલેન્ડ પર રાખવામાં આવ્યું છે જે એટલાન્ટિક મહાસાગરમાં સ્થિત છે.
દુનિયાની તમામ સુવિધાઓ આ ઘરમાં છે. આ ઘરની સંભાળ માટે 600 લોકોનો સ્ટાફ 24 કલાક હાજર રહે છે. જેમાં પ્લમ્બર, મિકેનિક જેવા અનેક લોકોનો સમાવેશ થાય છે. આ ઘરને ઓસ્ટ્રેલિયન કંપની લેઇટન હોલ્ડિંગ્સે ડિઝાઇન કર્યું છે.
આ ઘર વર્ષ 2008 થી 2010 વચ્ચે બનાવવામાં આવ્યું હતું. તેમાં મોટા લક્ઝુરિયસ રૂમ, 6 ફ્લોર કાર પાર્કિંગ, ડાન્સ સ્ટુડિયો, જિમ, સ્પા, સ્વિમિંગ પૂલ જેવી ઘણી સુવિધાઓ છે. તેમાં ત્રણ હેલિપેડ પણ છે.
ફોર્બ્સ અનુસાર, મુકેશ અંબાણી અને નીતા અંબાણીના આ આલીશાન ઘરની કિંમત 2 અબજ ડોલર એટલે કે 6,000 કરોડથી 12,000 કરોડ રૂપિયાની વચ્ચે અંદાજવામાં આવી છે. આ ઘરમાં કુલ 9 લિફ્ટ છે.
