બોલિવૂડ અભિનેત્રી કેટરિના કૈફ અને વિકી કૌશલ 9 ડિસેમ્બર 2022 ના રોજ તેમની પ્રથમ લગ્નની વર્ષગાંઠ ઉજવવા જઈ રહ્યા છે. આ ખાસ પ્રસંગને વધુ ખાસ બનાવવા માટે કેટરિના અને વિકી ભીડથી દૂર પહાડો પર ગયા છે.
તાજેતરમાં કેટરીના કૈફે તેના ઓફિશિયલ ઈન્સ્ટાગ્રામ એકાઉન્ટ પરથી કેટલીક તસવીરો શેર કરી છે જેમાં તે સુંદર દ્રશ્યો વચ્ચે જોવા મળી રહી છે. કેટરિનાએ આનો શ્રેય તેના પતિ વિકી કૌશલને આપ્યો છે. કેટરીનાની સુંદર તસવીરો જોઈને ફેન્સ તેના વખાણ કરી રહ્યા છે.
કેટરીનાની આ તસવીરો તેના પતિ વિકી કૌશલે ક્લિક કરી છે. તસવીરોમાં કેટરિના કૈફ જીન્સ અને લૂઝ સ્વેટર પહેરેલી જોવા મળી રહી છે. કેટરિનાને ફરી એકવાર ઢીલા કપડામાં જોઈને ચાહકોએ અનુમાન લગાવવાનું શરૂ કરી દીધું છે કે તે પ્રેગ્નન્ટ છે. કેટરિના કૈફ પ્રેગ્નેન્ટ હોવાના સમાચાર છેલ્લા કેટલાક સમયથી સોશિયલ મીડિયા પર ચર્ચામાં છે. આ અહેવાલોમાં કેટલું સત્ય છે તે તો સમય જ કહેશે. જો કે હજુ સુધી કેટરીના અને વિકી તરફથી કોઈ જાહેરાત કરવામાં આવી નથી.
