મુકેશ અંબાણીએ દુબઈમાં અત્યાર સુધીની સૌથી મોંઘી પ્રોપર્ટી ખરીદી છે. અહેવાલ છે કે અંબાણી પરિવારે દુબઈમાં દરિયા કિનારે એક લક્ઝુરિયસ વિલા ખરીદ્યો છે. તેની કિંમત લગભગ 80 મિલિયન ડોલર જણાવવામાં આવી રહી છે.
રોઇટર્સના સમાચાર અનુસાર, તેને દુબઇ શહેરમાં અત્યાર સુધીની સૌથી મોટી રેસિડેન્શિયલ પ્રોપર્ટી ડીલ તરીકે ગણવામાં આવી રહી છે. જોકે, દુબઈ પ્રોપર્ટી ડીલને અંબાણીની તરફથી ગુપ્ત રાખવામાં આવી છે. આ અંગે કોઈ સત્તાવાર નિવેદન બહાર પાડવામાં આવ્યું નથી.
અનંત અંબાણીના નામે મિલકત
રોઇટર્સે સૂત્રોને ટાંકીને જણાવ્યું હતું કે આ વૈભવી મિલકત આ વર્ષની શરૂઆતમાં અંબાણીના સૌથી નાના પુત્ર અનંત અંબાણી માટે ખરીદવામાં આવી હતી. આ બીચ સાઇડ હવેલી પામ શેપમાં છે. તે દ્વીપસમૂહના ઉત્તર ભાગમાં સ્થિત છે અને તેમાં 10 શયનખંડ, એક વ્યક્તિગત સ્પા અને ઇન્ડોર અને આઉટડોર પૂલ છે. જણાવી દઈએ કે અહીં બ્રિટિશ ફૂટબોલર ડેવિડ બેકહામ પણ તેની પત્ની વિક્ટોરિયા અને બોલિવૂડ મેગા સ્ટાર શાહરૂખની પ્રોપર્ટી છે એટલે કે અનંત અંબાણી હવે તેમના નવા પાડોશી બનશે. દુબઈ અતિ સમૃદ્ધ લોકો માટે પસંદગીના બજાર તરીકે ઉભરી રહ્યું છે.
અનંત અંબાણીની મિલકત
બ્લૂમબર્ગ બિલિયોનેર્સ ઇન્ડેક્સ અનુસાર, અનંત અંબાણીની કુલ સંપત્તિ $93.3 બિલિયન છે. તમને જણાવી દઈએ કે અનંત મુકેશ અંબાણીના નાના પુત્ર છે. વિશ્વના 11મા સૌથી અમીર વ્યક્તિ મુકેશ અંબાણી હવે 65 વર્ષના થઈ ગયા છે. આવી સ્થિતિમાં તેઓ ધીમે-ધીમે તેમના બાળકોને લગામ સોંપી રહ્યા છે.
